Воскресенье, 15 Февраля 2009 года (2 Февраля 2009 по ст.ст.)
Неделя о блудном сыне, Глас вторый

(+)Сретение Господа нашего Иисуса Христа. Новомч. Иордана Трапезундского (Греч.). Новомч. Гавриила Константинопольского (Греч.). Мч. Агафодора Каппадокийского (Греч.).

Пожалуйста, поддержите наш проект!

Утр. - Мф., 43 зач., XI, 27-30. Лит. - Прп.: Евр., 335 зач., XIII, 17-21. Лк., 24 зач., VI, 17-23.

Тропари и кондаки дня:   [скрыть]

Тропарь воскресный, глас 2.

Егда снизшел еси к смерти, Животе Безсмертный, / тогда ад умертвил еси блистанием Божества: / егда же и умершия от преисподних воскресил еси, / вся силы небесныя взываху: / Жизнодавче, Христе Боже наш, слава Тебе.

Богородичен, глас тойже.

Вся паче смысла,/ Вся преславная Твоя, Богородице, таинства,/ чистоте запечатанной, и девству храниму,/ Мати позналася еси неложна,/ Бога рождши истиннаго;/ Того моли спастися душам нашим.

Кондак, глас тойже.

Воскресл еси от гроба, Всесильне Спасе,/ и ад видев чудо, ужасеся,/ и мертвии восташа;/ тварь же видящи срадуется Тебе,/ и Адам свеселится,/ и мир, Спасе мой, воспевает Тя присно.

Сретение Господа нашего Иисуса Христа. Тропарь, глас 1.

Радуйся, Благодатная Богородице Дево, / из Тебе бо возсия Солнце правды, Христос Бог наш, / просвещаяй сущия во тьме. / Веселися и ты, старче праведный, / приемый во объятия Свободителя душ наших, / дарующаго нам воскресение.

Кондак, глас 2.

Утробу Девичу освятивый рождеством Твоим,/ и руце Симеоне благословивый,/ якоже подобаше, предварив,/ и ныне спасл еси нас Христе Боже,/ но умири во бранех жительство,/ едине Человеколюбче.

Богослужебные указания:   [показать]